පාඩම - අපේ ශිල්පීන් .
ගුරු භවතා -ටී.කේ.නුවන් ප්‍රසාද් බුද්ධික.
දිනය - 2020.05.28
වේලාව - පෙ .ව.8.00 - පෙ.ව.9.00
.....................................................................................................
ආයුබෝවන් !
අද චිත්‍ර පාඩමේ තවත් ශිල්පියෙකු පිළිබඳව අධ්‍යනය කරමු.
එච් ඒ කරුණාරත්න මහතා
මෙතුමා වියුක්ත ශෛලියේ සිත්තරෙකු ලෙස කැපී පෙනෙයි.1929 අප්‍රේල් 20 වන දින හොරණ බණ්ඩාරගම උපතලබා ඇත.
මෙතුමා 1952-1958,කාලයේ රජයේ ලලිතකලායතනයට බැඳී චිත්‍ර කලාව හදාරා ඇත.වැඩිදුර අධ්‍යාපනය සඳහා 1959 ජපානයේ ටෝකියෝ ජාතික විශ්වවිද්‍යාලයට හා 1965 ඇමරිකාවේ ප්‍රැට ආයතනයේ චිත්‍ර හදාරා ඇත.1975 දී රජයේ සෞන්දර්ය අධ්‍යන ආයතනයේ කතිකාචාර්යවරයෙකු ලෙසසේවයට එක්වේ. සෞන්දර්ය ආයතනය තුල චිත්‍රයේ තේමාව වෙනස් කල යුගයක් ලෙසමේ යුගය දැක්විය හැක.
මෙතුමාගේ නිර්මාණ අතර සඳපායා,නිවන සිතුවම් පෙල,රිද්ම යන නිර්මාණ විශේෂ වේ."රිද්ම" ,ජපානයේ ෆුකෝතා කෞතුකාගාරයේ ප්‍රදර්ශනය කෙරේ.පිරිනිවන ,බුදුන්ගේ දුෂ්කර ක්‍රියාව,වැනි නිර්මාණ තුලින් නව ාපරදිග කලා සම්ප්‍රදායක් හඳුන්වා දී ඇත.ග්‍රැෆික් ,මූර්ති,මුද්‍රණ වැනි පැතිරුණු වපසරියක දක්ෂතාවය දක්වා ඇත.මෙතුමා නිර්මාණ තුල මිශ්‍ර මාධ්‍ය යොදා ගැනීම දැකිය හැක.රෙදි කැබලි,යකඩ ,කම්බි,වර්ණ කඩදාසි වැනිඉවතලන දේ නිර්මාණ වෙනුවෙන් භාවිතා වේ.තවද කැන්වසය කපා / පුළුස්සා නිර්මාණ තර ඇත.
1987 දී කලාපති ,1994 දී කලාශූරී, 1996දී විශ්ව ප්‍රසාදිනී,1998 බුන්කා යන සම්මාන මගන් ඇගයීමට ලක්කර ඇත.
අපි බලමු එතුමාගේ නිර්මාණ 2ක්
1 ජීවිතයේ උනුසුම.
මිශ්‍ර මාධ්‍ය හා මිශ්‍ර තාක්ෂණික මැදිහත්වීම් යොදා ගනිමින් කරන ලද උච්ච නූතනවාදී චිත්‍රයක් ලෙස දැක්විය හැක.සංස්ලේශනාත්මක ඝනිකවාදයේ කලාත්මක උපක්‍රම හා ඇමරිකාවේ වියුක්ත ප්‍රකාශ්‍රණවාදී චිත්‍ර කලාවේ තාක්ෂණික ප්‍රයෝග අනුසාරයෙන්නිමකර ඇත.කොලාඡ් හා තීන්ත වක්කරණ ක්‍රමය යොදාගෙන ඇත.
2 නම් නොකල මූර්තිය.
මෙම මූර්තිය සංස්ලේශනාත්ම කඝනිකවාදයේ ආභාසය ලබා ඇත.දකුණු ආසියාවේරූපකාර්ත මත පිහිටමින් මූර්තිය ගොඩනඟා ඇත අබලි ද්‍රව්‍ය එකලස්කරීම තුලින්මූර්තිය ගොඩනඟා ඇත.
අපි අදට පාඩම මෙතැනින් අවසන් කරමු.
සියලුම දෙනාට තෙරුවන් සරණයි!
