පාඩම - රෝම සිතුවම්.
ගුරු භවතා -ටී.කේ.නුවන් ප්‍රසාද් බුද්ධික.
දිනය - 2020.05.1l
වේලාව - ප.ව.5.30-ප.ව.6.30
...................................................................
ආයුබෝවන්!
අපි චිත්‍ර පාඩම මෙතනින් ආරම්භ කරමු.
මේ දින කිහිපය පුරා රෝම කලාව අපි සාකච්ඡා කලා අද එහි රෝම සිතුවම් යටතේ එන තවත් සිතුවමක් පිලිබඳව බලමු.
මෙම සිතුවම අතිශය සුන්දරත්වයකින් මෙන්ම සංයමයකින් කල නිර්මාණයක් ලෙස හඳුන්වා දිය හැක.වර්ණ හාවිතයේදී පන්සල් පහර වෙිගවත්ව හසුරුවා ඇතිමුත් ඒ තුලින් කාන්තාවගේ ස්වරූපය ආරක්ෂා කර ගනිමින් වර්ණ හාවිතා කර ඇත.
සිතුවමේ දැක්වෙන ලක්ෂණ අනුව ඇය ප්‍රභූ කාන්තාවක් විය යුතුය. ඈ පළඳවා ඇති ආභරණ,සළුපිළි,හා ඇයගේ මුහුනේ හැඟීම් ප්‍රකාශණය තුලින් ඒ බව ප්‍රකට වේ.
මැණික් හා පබළු එබිබවූ ඇයගේ ආභරණ පින්තාරු කිරීමේදී ශිල්පියාගේ ඉවසීම හා දක්ෂතාවය පිළිබඳ තක්සේරුවක් ප්‍රේක්ෂකයාගේ හදවතට නිතැතින් දැනෙන ආකාරයෙන් ඉතාමත් සියුම් ලෙස පින්තාරු කර ඇත.
ලී ඵලකයක් මත ඇඳ ඇති මේ උඩුකය කාන්තා සිතුුවම තුලින් අප කතා කල යුතු තවත් වැදගත් ලක්ෂණයක් ඇත. එනම් ඇයගේ හිසකෙස් මෝස්තරයයි. කැරලි ගැසී ඇති අයුරින් දක්වා ඇති හිසකෙස් රටාවකට පින්තාරු කර ඇත. එනම් ඇය තම හිස සැරසීම සඳහා යොදාගෙන ඇති විලාසිතාව එකල ජනප්‍රිය මෙන්ම වැදගත් විලාසිතාවක් වියයුතුය.
බලන්න මේ සමීප රූපය දෙස.ඇයගේ මුහුනේ ලක්ෂණ ඉතාමත් සියුම් ලෙස දක්වා ඇති අයුරු. දෙනෙත් තුලින් ඇයගේ පෞරුෂය විදහා දක්වයි.ඇහිබැම අහිපිල්ලම ආදී වූ සියුම් ලක්ෂණ සංයමයකින් යුක්තව පින්තාරු කර ඇත.
හිස පළඳනා අතර හිස බැඳි අලංකාර පළඳනාව සහ හිසකෙස් මත රඳවා ඇති කොන්ඩකූර සියුම් ලෙස පින්තාරු කර ඇත.
ඇයගේ වස්ත්‍රයේ රැලි මෙන්ම නැවීම් ස්වභාවිකත්වය ආරක්ෂා වන පරිදි එළිය අඳුර දක්වමින් අලංකාරවත් අයුරින් හා දක්ෂ ලෙස නිමකර ඇත.
රෝම සිත්තරුන් ස්වභාවිකත්වය ආරක්ෂා කරමින් ස්වභාවරූපී සිතුවම්කරණයට දක්වා ඇති ඇල්ම මේ නිර්මාණ තුලින් මනාව විද්‍යාමාන වේ නිර්මාණකරණයේදී ග්‍රීක කලාවේ දක්නම ලැබෙන දැඩි බව වෙනුවට මොවුන් තුලින් දක්නට ලැාබන්නේ සියුම් බවකි එබැවින් ඔවුන් ශෛලිගත ලක්ෂණ බැහැර කර ස්වභාවික ලක්ෂණ මතු කිරීමට කටයුතු කර ඇත.
පහත ඇගයීම කරන්න
1 රෝම සිතුවම් පිලිබඳ නිදසුන් සහිතව විස්තරයක් කරන්න
2රෝම සිතුවම් තුල දක්නට ලැපබන සුවිශේෂී ලක්ෂණ නිදසුන් සහිතව සාකච්ඡා කරන්න.
අපි අදට පාඩම මෙතනින් අවසන් කරමු.
සියලුම දෙනාට තෙරුවන් සරණයි!
No comments:
Post a Comment