චිත්‍ර කලාව - අපේ ශිල්පීන්

විෂය -  චිත්‍ර.
පාඩම - අපේ ශිල්පීන් .
ගුරු භවතා -ටී.කේ.නුවන් ප්‍රසාද් බුද්ධික.
දිනය     -  2020.05.24
වේලාව - පෙ .ව.8.00 - පෙ.ව.10.00

...........................................................................................

ආයුබෝවන්!

අපි තවත් ශිල්පියෙකු පිළිබඳව අද කතා කරමු.

තිස්ස රණසිංහ

ලක්දිව බිහිවූ සුවිශේෂී මූර්ති ශිල්පියෙකුලෙස තිස්ස රණසිංහ මහතා හැඳින්වීමට හැකිය යුරෝපීය නූතනවාදී කලාවේ ප්‍රයෝග හා තාක්ෂණික භාවිතා ශ්‍රී ලාංකීය නූතන මූර්ති සමඟ බද්ධ කල පුරෝගාමියා තිස්ස රණසිංහ මහතාය.

අපි එතුමාගේ පුද්ගලික තොරතුරු ටිකක් බලමු 1925 මැයිමස 09 වන දින සඳලංකාවෙ යෝගියානේඋපත ලැබීය.මුල්ම පාසල යෝගියානේ සිංහල පාසලයි පසුව මීගමුව හරිස්චන්ද්‍ර විද්‍යාලයටත් පසුව කොළඹ රාජකීය විදුහලටත් අධ්‍යාපනය සඳහා ඇතුලත්ව ඇත.ලන්ඩනයේ වෙල්සි කලා පීඨයට  ඇතුලත්ව තව දුරටත් අධ්‍යාපනය ලබාගෙන ඇත. සරසවි සම්මානය මෙතුමාගේ විශිෂ්ට නිර්මාණයකි.මීට අමතරව පැරණි පාර්ලිමේන්තුවේ ඩී එස්  සේනානායක,එස් ඩබ් ආර් ඩී  බණ්ඩාරනායක ,සර් ජෝන් කොතලාවල,ඩඩිලි සේනානායක,කර්නල් ඕල්කට්,මුහන්දිරම් සමරවීර,අයිරාංගනී සේරසිංහ,ට්‍රිලීෂියා ගුණවර්ධන,උඩුකය ආදී පිලිරූ මෙන්ම කොළඹ රාජකීය විදුහලේ නව රඟහලේ අපේනාට්‍ය වංශය නිරූපනය කරනකැටයම එතුමාගේ නිර්මාණ වේ .කලාසූරී සම්මානයෙන් මෙන්ම සෞන්දර්ය විශ්ව විද්‍යාලයේ ආචාර්ය උපාධියෙන්ද පිදුම් ලබා ඇත.

එතුමාගේ නිර්මාණ 2ක් පිළිබඳව කෙටියෙන් අවධානය යොමු කරමු.

1 දුෂ්කර ක්‍රියාව

භාවනායෝගී දුෂ්කර ක්‍රියාවේ යෙදෙනබෝසතුන් සිහිගන්වයි.ලෝකඩ වාත්තු ක්‍රමය උපයෝගී කරගෙන මෙම නිර්මාණය කර ඇත.යුරෝපීය නූතනවාදී මූර්ති කලාවේ භාෂාව තුලින් දකුණු ආසියාතිකආගමික තේමාවක් ඉදිරිපත් කිරීමට යොදාගෙන ඇත.රළු වයනය  ස්වභාවිකත්වය බැහැර කිරීමශරීර අංග අතිශෝක්තියට නැඟීම මෙහි දැකිය හැකි විශේෂ ලක්ෂණ වේ.

2.මහීෂගේ මරණය.

හින්දු ආගමිකතේමාවක් වන සුර අසුර යුද්ධයේ සිද්ධියක් මෙම මූර්තියට වස්තු විශය වී ඇත.මීහරකෙකුගෙ ස්වරූපය දරණ මහීෂනම් අසුරයා පරාජයට පත්කරන ආකාරය මින් නිරූපනය වේ.වියුක්ත බව හා නිරූපනාත්මක බවඑකට එක් කර මෙම මූර්තිය නිම කර ඇත.එනම් නූතනවාදී කලා ප්‍රයෝග වල අන්ත 2එක්ව යොදාගෙන ඇත.සරළකරණය,වියුක්තකරණය,හා අවමකරණය වැනි නූතනවාදී භාෂා ලක්ෂණ මෙහි අන්තර්ගතය.

මේ පිළිබඳව තවත් තොරතුරු එක්රැස් කරන්න. අදට පාඩම මෙතනින් අවසන් කරමු. 

සියලුම දෙනාට තෙරුවන් සරණයි!