චිත්‍ර කලාව - ආභරණ නිර්මාණය

විෂය -  චිත්‍ර.
පාඩම -  ආභරණ නිර්මාණය.
ගුරු භවතා -ටී.කේ.නුවන් ප්‍රසාද් බුද්ධික.
දිනය     -  2020.05.17
වේලාව - පෙ .ව.8.00 - පෙ.ව.10.00

..........................................................................

ආයුබෝවන්!

අද අපි බලමු පාඩමේ තවත් කොටසක් ආභරණ නිශ්පාදනය පිළිබඳව.

අපි විවිධ අරමුණු වෙනුවෙන් ආභරණ නිර්මාණය කරනුලබනවා.

1  සාමාන්‍ය ජීවිතයේදී විලාසිතාවක් ලෙස

2  මංලග අවස්ථා 

3  රාජකීයන් පැළඳි රාජාභරණ 

4  අභිචාරී අවස්ථා වෙනුවෙන් භාවිතාකල ආභරණ

5  නර්තනාභරණ

6  රංගනය වෙනුවෙන් නිර්මාණය කරන රංගාභරණ 

මේ ආදී නොයෙක් අවස්ථා වෙනුවෙන් මිනිසා ආභරණ නිර්මාණය කර තිබෙනවා.මීට අමතරව මරණින් පසු ඊලඟ ආත්මය වෙනුවන් පවා ආභරණ නිර්මාණය කල බව පිරමීඩ තුලින් හමුවූ මමි වලට පැළඳි ආභරණ වලින් හඳුනාගත හැක.

අපි බලමු මේ ආභරණ නිශ්පාදනය සඳහා භාවිතා කල හැකි අමුද්‍රව්‍ය කිහිපයක් පිළිබඳව  කෙටියෙන්

1   රත්තරන් 

2   රීදී 

3   පිත්තල 

4   විවිධ මිශ්‍ර ලෝහ

5   මැණික් 

6   දියමන්ති

8   විවිධ පාෂාණ කොටස්

9   දැව

10  සත්ත්ව අස්ථි,සම්,දත්  ආදිය

11   විවිධ පල්ප් වර්ග

12   විවිධ ⁣ශාක කෙඳි වර්ග

13   පොල් කටු

14  රෙදි,නූල් ආදීය

15  පිලිස්සූ මැටි

     මේ අනුව බලන කල අපිට ආභරණ නිපදවීමට බොහෝ අමුද්‍රව්‍ය භාවිතා කල හැකි බව තේරුම් ගත හැක.

තවද ආභරණ පැළඳීම තුලින් විශ්වයේ ආශිර්වාදය තමන්ට ලැබෙන බව බොහෝ දෙනා විශ්වාස කරයි. මේ නිසා විවිධ මැණික් වර්ග බොහෝ විට ආභරණ සඳහා භාවිතා කරයි.

මා මුලින් ඔබට යෝජනා කල පරිදි අභ්‍යාසය ඔබ විසින් කල යුතුයි.

   උදාහරණයක් ලෙස මා මෙහිදී වේදිකා නාට්‍යක් වෙනුවෙන් ආභරණ නිර්මාණය කිරීම පිළිබඳව කරුණු  දක්වන්නම්.

 වෙිදිකා නාට්‍ය අාභරණ සඳහා  බොහෝ විට භාවිතා කරන්නේ  සැහැල්ලු අමුද්‍රව්‍ය කිහිපයක් 

1  කඩදාසි පල්ප්

2  ලී කුඩු පල්ප්

3  සැහැල්ලු ලෝහ තහඩු

4  රෙදි

5  රබර් ෂීට් 

6  විවිධ දිලිසෙන ද්‍රව්‍ය (දිලිසෙන කුඩු,දිලිසෙන පබළු,දිලිසෙන තීන්ත වර්ග. ආදිය)

මෙම උදාහරණ දෙස බලන්න මෙ⁣ම ආභරණ අලංකාරවිය යුතු අතර සැහැල්ලුද විය යුතු අනෙක් කාරණය මෙම ආභරණ ශිල්පියාට පහසුවෙන් පැළඳ තම රංගනය කිරීමේ හැකියාව තිබිය යුතුය. මෙම කාරණා හේතුවෙන් මේ වන විට සැහැල්ලු අමුද්‍රව්‍ය බොහොමයක් බිහිවී ඇත.

මේ කරුණු සැලකිල්ලට ගනිමින්  ඔබට ලබාදුන් අභ්‍යාසය නිම කරන්න. අපි ඊලඟට අලුත් පාඩමකින් හමුවෙමු. 

සියලුම දෙනාට තෙරුවන් සරණයි!