පාඩම - රෝම සිතුවම්.
ගුරු භවතා -ටී.කේ.නුවන් ප්‍රසාද් බුද්ධික.
දිනය - 2020.05.10
වේලාව - ප.ව.5.30-ප.ව.6.30
..............................................................................
ආයුබෝවන්!
අද චිත්‍ර පාඩමේ තවත් කොටසක් බලමු. අපි රෝම මූර්ති කලාව පිළිබඳව අධ්‍යනය කලා. අද අපි එහි තවත් පියවරක් බලමු.
රෝම සිතුවම්
විශය නිර්දේශයේ රෝම සිතුවම් යටතේ අපිට අධ්‍යනය කරන්න සිතුවම් 2ක්දක්වා ඇත.
1 ඩයොනීසියස් දෙවියන් පිදීම නම් සිතුවම් වල දක්නට ලැබෙන "ගැහැනියකට දඩුවම් කරන අවස්ථාව" නම් සිතුවම
මේ සිතුවම පිළිබඳව අපි දැන් බලමු.
මේ සිතුවම දක්නට ලැබෙන්නේ රෝමයේ පොම්පෙයි නගරයේ,විලා මිස්ටරීස් නම් ගොඩනැඟිල්ලේ බිත්ති මත.
මේ සිතුවම් සියල්ලම බැලූකල එකම ආරකට නිර්මාණය වී ඇත. අපි එහි සිතුවම් කිහිපයක් බලමු.
මෙහි තීරුවක පනේල ආකාරයට නිර්මාණය කර ඇත.මානව රූප ශෛලිගත ස්වරූපයෙන් මිදී තාත්වික ලක්ෂණ මතු කිරීමට ශිල්පියා උත්සහ කර ඇත.
අපි දැන් බලමු "ගැහැනියට දඬුවම් දෙන අවස්ථාව" නම් සිතුවම පිළිබඳව.
මෙම සිතුවමේ දඬුවම් ලබන ගැහැනිය වැතිර සිටින අතර තවත් කාන්තාවක් නර්තනයේ යෙදෙන අයුරින් දක්වා ඇත.එම කාන්තාව පිටුපසට හැරී නර්තනයේ යෙදෙයි.කෙස් වැටිය කෙටිය,එය හිස ඉහලට වනිනට බැඳ ඇත.දෑත් ඉහලට ඔසවාගෙන ඇය නර්තනයේ යෙදෙයි.
රෙදි පිලි නිර්මාණයේදීද තාත්විකව නිර්මාණය කර ඇත. රැලි,නැමිම්,සෙවනැලි තාත්වික අයුරින් ඇඳ ඇත.
සිතුවමේ පසුබිම රතු පැහැයෙන් නිර්මාණය කර ඇත. සමස්ථ සිතුවම් සියල්ලේම පසුබිම දක්වා ඇත්තේ රතු පැහැයෙනි.
ඉහත මා ඉදිරිපත් කල රූප සටහන් වලින් ඔබට ඒ පිළිබඳව අදහසක් ලැබෙන්නට ඇතැයි සිතමි.
මානව රූප වර්ණ ගැන්වීමට සුදු කහ දුඹුරු වර්ණ වල සංකලනයක් භාවිතා කර ඇත මානව රූපවල ස්වභාවිකත්වය මතු කිරීමට උපරිම උත්සහයක් දරා ඇත.
ක්‍රි:පූ1වන සියවසට අයත් මෙම සිතුවම් රෝම නිර්මාණ අතර අපූර්වත්වය ලොවට පෙන්වන විශිෂ්ටගණයේ සිතුවම් එකතුවක් ලෙස දැක්විය හැකියි.
අදට පාඩම මෙතනින් අවසන් කරමු.
සියලුම දෙනාට තෙරුවන් සරණයි!
විෂය - චිත්‍ර.
පාඩම - රෝම සිතුවම්.
ගුරු භවතා -ටී.කේ.නුවන් ප්‍රසාද් බුද්ධික.
දිනය - 2020.05.10
වේලාව - ප.ව.5.30-ප.ව.6.30
No comments:
Post a Comment