පාඩම - ආභරණ නිර්මාණය.
ගුරු භවතා -ටී.කේ.නුවන් ප්‍රසාද් බුද්ධික.
දිනය - 2020.05.19
වේලාව - පෙ .ව.8.00 - පෙ.ව.10.00
...........................................................................................
ආයුබෝවන්!
අපි අද චිත්‍ර පාඩමේ තවත් කොටසකට යොමු වෙමු. පසුගිය පාඩම් වලදී අපි ඇඳුම් නිර්මාණය කිරීම,ආභරණ නිර්මාණය කිරීම පිළිබඳව අධ්‍යනය කලා. අද එහි තවත් කොටසක් බලමු.
මිනිසා අලංකාරය වෙනුවෙන් අපූරු නිර්මණ කරනවා. ඒ නිර්මාණ සෑම කේෂ්ත්‍රයක් පුරාම විහිද යනවා. අද අපි බලන්නේ රෙදි නිර්මාණය කිරීම පිළිබඳව
රෙදි නිර්මාණයේදී මෝස්තර නිර්මාණය සඳහා ලැබෙන්නේ සුවිශේෂී ස්ථානයකි. එය මූලිකවම ශිල්පියාගේ සිතේ ඇඳෙන නිර්මාණය පිළිබඳ සැලසුම අවසානයේදී මුද්‍රිත රෙදි හෝ වියනු ලබන රෙදි තුලින් එළිදැක්වේ.
රෙදි මත නිර්මාණ කරන ආකාර බොහෝ ඇත.
1 මුද්‍රණය
2 විවීම
3 බතික් නිර්මාණ
4 අතින් ඇඳීම
මින් කිහිපයක් ලෙස දැක්වීමට හැක මීට අමතරව තවත් බොහෝ නිර්මාණ ක්‍රම ලොව පුරා ඇත ඇප්ලික් කිරීම පබළු ආදිය මගින් නිර්මාණ කිරීම නූල් මගින් නිර්මාණය මැසීම ආදිය දැක්විය හැක.
අපි දැන් බලමු මුද්‍රණය සඳහා ව්‍යාප්ත නිර්මාණයක් කරන ආකාරය.
මේ සරළ නිර්මාණ කිහිපයක් මෙහි දැක්වෙන්නේ නිර්මාණයේ කොටසක් පමණි මේ
කොටස සම්පූර්ණ රෙද්ද මත නිර්මාණය වූ විට එය ව්‍යාප්ත මෝස්තරයක් ලෙස හැඳින්විය හැක.
ඇත්තටම මේ ව්‍යාප්ත මෝස්තරයක තිබිය යුතු වැදගත් කරුණු මොනවාද බලමු.
රෙදි මුද්‍රණයේදී නිර්මාණ ශිල්පියා කරනු ලබන නිර්මාණ ඒකකය සැලසුමකට අනුව මුළු රෙද්දක් පුරාම ව්‍යාප්ත කල යුතුය.එහිදී එක් එක් ඒකකය අනෙක හා සබඳතාවක් තිබිය යුතුය.
මම උදාහරණයක් පෙන්වන්නම්.
මේ තිබෙන්නේ එක් ඒකකයක් හොදින් බලන්න එහි සමහර මල් වල කොටස් කැපී ගිය ආකාරයක් දැක්වේ. ඇයි මෙසේ නිර්මාණය කර ඇත්තේ කියා ඊලඟ පින්තූර වලින් ඔබට වැටහීමක් ලබාගත හැකිය.
මේ කොටස් එකිනෙක එක් කිරීමේදී සම්පූර්ණ රූපය නිර්මාණය කරගත හැකිය.
රෙදි මුද්‍රණය කිරීමේදී ස්ක්‍රීන් මුද්‍රණ ක්‍රමය හෙවත් ස්ක්‍රීන් ප්‍රින්ටින් භාවිතා කරයි මේ එක් ඒකකයක් මුද්‍රණ තලයක් ලෙස ගෙන එකින් එක සම්බන්ධ කරමින් මුද්‍රණය කරනු ලබයි.
අපි මීලඟට මෙවැනි නිර්මාණයක් සඳහා යොදන වර්ණ පිළිබඳව අවධානය යොමු කල යුතුය. වර්ණ යෙදීමෙිදී අප වටහාගත යුතු වැදගත්ම කාරණය තමයි ස්ක්‍රීන් මුද්‍රණයේදී සිදුවන්නේ අච්චුවකින් හෙවත් සිදුරුපතකින් (ස්ටෙන්සිල් )මුද්‍රණය වීමකි එහිදී එක් අවස්ථාවක එක් වරණ කොටසක් මුළු තලය පුරාම මුද්‍රණය වේ අපි පොඩි උදාහරණයක් බලමු.
මෙහි එක් ස්ක්‍රීන් එකකින් කහ වර්ණය අඩංගු සියලුම ස්ථාන මුද්‍රණය වේ ඊලඟ ස්ක්‍රීන් එකෙන් කොල පැහැති කොටස් ද එසේ එකිනෙක වර්ණ වලට අදාල කොටස් නිර්මාණය වේ. අවසානයේ සම්පූර්ණ නිර්මාණය අවසන් වේ
මීට අමතරව නූතන තාක්ෂණික දියුණුව සමඟ වඩාත් දියුණු මුද්‍රණ ක්‍රම අපට හමුවේ උදාහරණයක් ලෙස ඩිජිටල් මුද්‍රණය දැක්විය හැක එනම් අප නිර්මාණය සඳහා වර්ණ යෙදීමේදී අප මුද්‍රණය කරනුලබන ක්‍රමවේදය පිළිබඳ හොඳ අවබෝධයක් තිබිය යුතුය
මේ කරුණු පිළිබඳව අවධානය යොමු කරමින් අලංකාර රෙද්දක් සඳහා ව්‍යාප්ත මෝස්තරයක් නිර්මාණය කිරීමට සැලසුමක් ඇඳ වර්ණ ගැන්වීමට අභ්‍යාසයක් ලබා දෙමින් අදට පාඩම මෙතනින් අවසන් කරනවා. අභ්‍යාසය අවසන්කර මා වෙත ලබා දෙන්න.
සියලුම දෙනාට තෙරුවන් සරණයි!
No comments:
Post a Comment